Jurgen Vatnikaj

Pozicioni: Sulmues

Karriera:
2014/15 - Partizani

Partizani “përforcon” Tërbunin, Vatnikaj huazohet në Pukë

Përveçse ka një prej sulmeve më të frikshëm të Kategorisë Superiore, me emra si Sukaj, Plaku, Raçiç e Morini, Partizani e nisi sezonin e ri me një repart të mbipopulluar. Plot, nëntë futbollistë, ku një pjesë janë talentë me perspektivë. Për t’u dhënë mundësi që të rriten dhe të fitojnë eksperiencë në ndeshje, klubi i kuq nuk heziton t’i huazojë në skuadra të tjera.

Ky është rasti i Jurgen Vatnikajt. Sulmuesi 20-vjeçar arriti marrëveshjen me kryeqytetasit, që të transferohet për një sezon te Tërbuni. Duke vlerësuar hapësirat e pakta përballë konkurrentëve mjaft të fort në sulm, futbollisti që ka luajtur me përfaqësueset zinxhir të moshave, zgjodhi debutuesit nga Puka.

Mundësia për të luajtur te Tërbuni është e konsiderueshme, në një repart ofensiv ku Enco Malindi është pika e referimit, ndërsa si konkurrentë për një vend në formacion janë Dhrami dhe Marku. Vatnikaj është lojtari i dytë që klubi i Partizanit transferon në formë huazimi për sezonin 2015-2016. Më parë të kuqtë lejuan kalimin për një vit të portierit Fabio Gjonikaj te Kamza.