Shehu: Partizani s’ka lider, lojtarët nuk janë mësuar me tituj

Shehu: Partizani s’ka lider, ja pse u shkërmoq në Korçë, lojtarët nuk janë mësuar me tituj

Ish-sulmuesi dhe trajneri i Partizanit, Ylli Shehu, nuk e priste paraqitjen që bënë të kuqtë në Korçë. Sipas tij, “demave” u mungon lideri dhe mbase ka ndikuar edhe fakti se lojtarët kryeqytetas nuk janë mësuar me tituj.

Shehu për “Panorama Sport” pohoi se një ekip që ka ambicie për trofe nuk mund të pësojë 5 gola ndaj një rivali direkt.

Donim të dinim mendimin e Ylli Shehut për humbjen e fundit të Partizanit në Korçë…

Nuk di çfarë të them për atë takim, pasi përpara zhvillimit kisha mendim dhe ide të tjera. Ajo që ndodhi në fushë ishte e pajtueshme. Një ekip që pretendon të dalë kampion, nuk mund të pësojë pesë gola në një përballje me një rival direkt. Pas golit të parë, në fushën e lojës u pa një Partizan i shthurur. Nuk mund të dalësh kampion me një paraqitje të tillë si në transfertën e Korçës…