Rikonstruktimi i stadiumit "Loro Borici"

ja si do duket stadiumi. Do kete 17 mije vende

Është shtyrë nisja e punimeve në “Loro Boriçi”

E mërkura ishte paralajmëruar si dita për prezantimin e projektit përfundimtar dhe zyrtar të ndërhyrjes në rikonstruktimin e stadiumit “Loro Boriçi”. Por, nga burimet më të fundit nga qeverisja vendore dhe Klubi i Futbollit Vllaznia bëjnë të ditur se një gjë e tillë nuk do të ndodhë sot, kjo me sa duket edhe për arsye të angazhimeve të kryeministrit Rama në takime të tjera, brenda dhe jashtë vendit. Por, gjithsesi ceremonia në fjalë që përkon edhe me fillimin e punimeve do të kryhet shumë shpejt, ora dhe data e së cilës do të bëhet e ditur zyrtarisht nga vete strukturat përkatëse. Nga ana tjetër, në klubin Vllaznia akoma nuk janë shumë të informuar se çfarë do të bëhet në ditët në vazhdim me ekipin e parë. Nëse të hënën skuadra u stërvit në stadium me idenë se fusha nuk do të përdoret në fundjave për ndeshjen me Flamurtarin, një tjetër orientim i dhënë dje bëri që skuadra të zhvendoset sërish në fushën sportive “Reshit Rusi” ku edhe kreu seancën e radhës. Kjo për faktin se edhe pse punimet do të nisin, të paktën përballja me vlonjatët të zhvillohet këtë fundjavë. Ndërkohë, për të qenë brenda, drejtuesit e klubit të futbollit Vllaznia kanë orientuar punonjësit që të fillojnë çmontimin e pajisjeve kryesore elektronike, kryesisht ato në mjediset e tribunës qendrore, gjë janë parë t’i bëjnë gjatë të gjithë ditës së djeshme. Paraprakisht, kuqeblutë kanë marrë masat e duhura për gjetjen e stadiumit ku Vllaznia do të zhvillojë ndeshjet e mbetura, por se çfarë do të ndodhë, duhet pritur deri në fundjavë nëse Vllaznia-Flamurtari e planifikuar të luhet në orën 14:00 të së shtunës në “Loro Boriçi”, apo diku tjetër.